Римнинг «Лацио» клуби бош мураббийи Маурицио Сарри куни кеча клуб раҳбарияти билан учрашди ва унда ёзги мавсум оралиғида унга керакли трансферларни кафолатлашни талаб қилди.

Эслатиб ўтамиз, аввалроқ мураббий ва раҳбарият ўртасида январдаги муваффақиятсиз трансфер кампанияси туфайли можаро келиб чиққанди.

Calciomercato нашри хабарига кўра, «Лацио» раҳбарияти клубнинг сўнгги ўйинларда кўрсатаётган натижаларидан норози. Бу, айниқса, «Лацио»нинг яқинда Рим дербисида «Рома»га йирик 0:3 ҳисобида имкониятни бой бергани билан боғлиқ.

Шу билан бирга, клуб Саррига 2025 йилгача мўлжалланган янги шартнома тақдим этишга тайёр, бироқ манбага кўра, мураббий ҳали уни имзолашга иштиёқи йўқ. Италиялик мураббий вазиятга баҳо бериш ва қарор қабул қилиш учун мавсум якунланишини кутмоқчи.