Superliganing 4-turidan o‘rin olgan "Qizilqum" - "Neftchi" (3:0) uchrashuvidan keyin mezbonlar ustozi Nikola Lazarevich matbuot anjumanida qatnashdi
"Birinchi navbatda "Neftchi" bugun bizga syurpriz qildi. Raqibni o‘rganganimizda boshqacha taktikaga tayyorlangandik, ammo ular bugun boshqacha uslubda o‘ynashdi. O‘ylashimcha yigitlarim vazifani to‘liq bajarishdi", - dedi Lazarevich.
- PFL talqiniga ko‘ra mart oyining eng yaxshi murabbiyi deb topildingiz...
- Ushbu sovrin uchun PFLga rahmat aytaman. Lekin bu sovrin faqat meniki emas, bu butun jamoaning yutug‘i.
- "Qizilqum"dagi yoshlar Turopov va Kenjayevni asosiy tarkibda ham ko‘ramizmi?
- Albatta, ular hozircha yosh futbolchilar. Mashg‘ulotlar vaqtida juda yaxshi ishlashmoqda. Tez orada ularga imkoniyat beramiz. Ular maydonga tushishga tayyorlar.
- "Qizilqum" hamon birinchi o‘rinda bormoqda, jamoa mavsumni qaysi o‘rinda tugatadi deb o‘ylaysiz?
- Biz eyforiyada emasmiz. Biz o‘yindan-o‘yinga kuchayib boramiz. Bu mavsumda istalgan jamoa istalgan jamoani yuta oladi.
- Yirik g‘alaba bo‘lishini kutganmidingiz?
- Bugun yirik natijani kutmagandim. Qiyin bahs bo‘lishini kutgandim.
