«Roma» bosh murabbiyi Joze Mourinyo o‘z yarim himoyachisi Genrix Mxitaryanni jamoasida saqlab qolishga umid qilmoqda.

33 yoshli futbolchining shartnomasi iyun oyida nihoyasiga yetadi, biroq avvalroq ma’lum bo‘lganidek, tomonlar yangi shartnoma tuzishga yaqin turibdi. "Roma" ustozi Joze Mourinyo Mxitaryanni loyiha uchun muhim futbolchi deb hisoblaydi va kelishuv yaqin kunlarda rasman e’lon qilinishiga umid qilmoqda. Bu haqda jurnalist Nikolo Skira xabar bermoqda.

Genrix Mxitaryan joriy mavsumda «Roma» safida barcha turnirlar doirasida 36 ta o‘yinda maydonga tushib, 3 ta gol va 7 ta golli uzatmaga mualliflik qilgan.