«Рома» бош мураббийи Жозе Моуриньо ўз ярим ҳимоячиси Генрих Мхитарянни жамоасида сақлаб қолишга умид қилмоқда.

33 ёшли футболчининг шартномаси июнь ойида ниҳоясига етади, бироқ аввалроқ маълум бўлганидек, томонлар янги шартнома тузишга яқин турибди. "Рома" устози Жозе Моуриньо Мхитарянни лойиҳа учун муҳим футболчи деб ҳисоблайди ва келишув яқин кунларда расман эълон қилинишига умид қилмоқда. Бу ҳақда журналист Николо Скира хабар бермоқда.

Генрих Мхитарян жорий мавсумда «Рома» сафида барча турнирлар доирасида 36 та ўйинда майдонга тушиб, 3 та гол ва 7 та голли узатмага муаллифлик қилган.