Ispaniya terma jamoasi va “Valensiya” klubi yarim himoyachisi Karlos Soler Yevropa futbolidagi top-klublarning qiziqishiga sabab bo‘ldi, deb xabar beradi Golosmedia.

Manbaga ko‘ra, ispaniyalikning transferiga "Liverpul" va Turinning "Yuventus" klublari qiziqish bildirmoqda.

Qayd etilishicha, italiyaliklar uchun futbolchi yozgi transfer oynasida ustuvor ahamiyatga ega, "Liverpul" esa uni taxminan bir yildan beri shunchaki kuzatib kelmoqda.

Solerning "Valensiya" bilan shartnomasi 2023 yilning yoziga qadar mo‘ljallangan, biroq avvalroq tomonlar yangi kelishuv bo‘yicha kelishuvga yaqin ekani xabar qilingandi.

Joriy mavsumda Karlos 28 o‘yinda maydonga tushib, o‘nta gol urdi va beshta golli uzatmani amalga oshirdi.