Испания терма жамоаси ва “Валенсия” клуби ярим ҳимоячиси Карлос Солер Европа футболидаги топ-клубларнинг қизиқишига сабаб бўлди, деб хабар беради Golosmedia.
Манбага кўра, испанияликнинг трансферига "Ливерпуль" ва Туриннинг "Ювентус" клублари қизиқиш билдирмоқда.
Қайд этилишича, италияликлар учун футболчи ёзги трансфер ойнасида устувор аҳамиятга эга, "Ливерпуль" эса уни тахминан бир йилдан бери шунчаки кузатиб келмоқда.
Солернинг "Валенсия" билан шартномаси 2023 йилнинг ёзига қадар мўлжалланган, бироқ аввалроқ томонлар янги келишув бўйича келишувга яқин экани хабар қилинганди.
Жорий мавсумда Карлос 28 ўйинда майдонга тушиб, ўнта гол урди ва бешта голли узатмани амалга оширди.
