Niderlandiya terma jamoasi bosh murabbiyi Lui van Gaal JCH-2022 final qismiga qur’a tashlash natijalariga izoh berdi. Senegal, Qatar va Ekvador Niderlandiya bilan bir guruhdan joy oldi.
"Bu raqiblar qanday ekanligini bilmayman. Ishonchim komilki, tahlilchilarimiz ham bilishmaydi, shuning uchun turnirga yaxshi tayyorgarlik ko‘rishimiz uchun ko‘p ish qilishimiz kerak.
2014 yilgi jahon chempionatida raqiblarimizning kuchliligini bilardik. Guruhimizda amaldagi jahon chempionlari bor edi – Ispaniya, o‘sha paytdagi Janubiy Amerikaning uchinchi jamoasi, Chili va kuchli Avstraliya. O‘shanda avstraliyaliklar bizga ko‘p muammolarni keltirishgan", - dedi van Gaal.
JCH-2022 final qismi 21 noyabrdan 18 dekabrga qadar Qatarda bo‘lib o‘tadi.
