Moskvaning "Spartak" klubi sobiq darvozaboni Aleksandr Filimonov Sport24 saytiga intervyu berib, Moskva klubiga ishga joylashish borasida muvaffaqiyatsizlikka uchraganini aytdi.
— 20 yil davomida "Spartak"dan bir marta ham qo‘ng‘iroq bo‘lmadi. Faqatgina o‘tgan yili klub matbuot xizmati meni qandaydir marosimga taklif qildi, xolos. Shu so‘nggi 20 yildagi birinchi taklif. Ungacha esa qo‘ng‘iroq ham, suhbat ham, hech narsa bo‘lmadi. 10 yilcha avval o‘zim klubga qo‘ng‘iroq qilib, hech bo‘lmasa klub akademiyasidan bo‘lsa ham ish topiladimi deb so‘radim. Ular menga barcha ish o‘rinlar bandligini aytishdi. Mening nomzodim hatto ko‘rib ham chiqilmadi. Xafamanmi? Men bolalar bog‘chasida emasmanku xafa bo‘lgani. Klub rivoji, ayniqsa darvozabonlar haqida odamlarning o‘z qarashlari bor. Chaqirmadimi, demak chaqirmadi, boshqa nima ham qilardim. Kim bo‘lib ishlashni xohlayman? Darvozabonlarni shug‘ullantirishni xohlayman. Men darvozabonlik ishini yaxshi tushunaman, bu menga yoqadigan va qo‘limdan keladigan soha. Qolaversa, men "Dolgoprudniy" va "Arsenal"da darvozabonlarni shug‘ullantirganman. Shuningdek, yoshlar terma jamoasida Kerjakovga ham yordam berganman", - dedi Filimonov.
