Yosh darvozabon Amal Shavketov Polsha klubiga transfer qilindi
"Turon" futbol klubi tashkil etilganidan buyon hamisha o‘z oldiga yuqori maqsadlarni qo‘yib keladi. Xususan turli yoshdagi O‘zbekiston terma jamoalariga munosib nomzod futbolchilarni yetkazib berish, yosh iqtidorli futbolchilarni tayyorlash va kuchli xorijiy chempionatlarga transfer qilish, milliy chempionatlarimizda jamoaning munosib ishtirokini ta’minlash kabi vazifalar klub oldidagi asosiy vazifalardan sanaladi.
2017 yil 5 may sanasida tashkil etilgan "Turon" xorij klublariga ilk transferini amalga oshirdi.
O‘zbekiston o‘smirlar terma jamoasi safida bir nechta uchrashuvlarni o‘tkazgan, Angliyaning nomdor "Bruk Xaus" akademiyasida tajriba o‘tab qaytgan iste’dodli darvozabon Amal Shavketov endilikda Yevropaga yo‘l oladi.
Yosh posbon Polsha chempionatining to‘rtinchi dvizioni vakili hisoblangan "Narev" klubiga transfer qilindi.
