Yurgen Klopp «Liverpul»ning APLda chempion bo‘lish imkoniyatlari haqida fikr bildirdi.
APLning 30-turidan keyin uning jamoasi turnir jadvalida peshqadamlik qilayotgan «Manchester Siti»dan 1 ochko ortda qolmoqda.
«Mavjud vaziyatni juda qadrlayman. Kecha yigitlarga aytdimki, agar bizga yozda mart oyi oxirida hozirgi o‘rnimizda bo‘lamiz deyishsa, rozi bo‘lgan bo‘lardik: bitta sovrin oldik, yana uchtasi uchun kurashyapmiz, butun tarkib sog‘-salomat.
Faqat bitta holatda yaxshiroq bo‘lardi - agar biz «Manchester Siti»dan 20 ochko oldinda bo‘lganimizda, lekin buning iloji yo‘q. Shuning uchun biz hamma narsadan mamnunmiz. O‘ylashimcha, biz hech qaysi turnirda favorit emasmiz, ammo farqi nima – biz g‘alaba qozonishga harakat qilamiz», - dedi «Liverpul» bosh murabbiyi.
