Kecha Angliya chempionati 31-turidan o‘rin olgan bir qator uchrashuvlar o‘tkazildi. Mazkur bahslardan keyin qayd etilgan bir qancha faktlarni taqdim etamiz.

1 - Eshli Yang Angliya chempionatidagi 389-o‘yinida ilk bor o‘z darvozasini ishg‘ol qildi. U shuningdek "Aston Villa" safida avtogol qayd etgan eng yoshi katta futbolchiga aylandi - 36 yosh, 267 kunlik.

3 - «Chelsi»ning o‘z maydonida Premyer-Liga debyutantiga 3 va undan ortiq gol o‘tkazib yuborgan o‘yinlar soni ikkitaga yetdi. «Brentford»ga qarshi bahsdan oldin 2021 yilning aprel oyida "Vest Bromvich" jamoasiga 2:5 hisobida imkoniyat boy berilgandi. Ikkala mag‘lubiyat ham Tomas Tuxel boshqaruvida qabul qilib olindi.

3 - «Chelsi» o‘z maydonida Premyer-Liga doirasidagi London derbilarida 3 va undan ko‘proq gol hisobiga ikkinchi marta yutqazib qo‘ydi. Bundan avval, «aristokratlar» 1997 yilning aprel oyida «Arsenal»ga 0:3 hisobida imkoniyatni boy berib qo‘yishgandi.

13 - Faqatgina Devid Bekxem (18) APL o‘yinlarida jarima zarbasidan Uord-Prouzdan ko‘proq (13) gol urishga muvaffaq bo‘lgan. Uordning 9 goli uy uchrashuvlarida kiritilgan.

100 - Fred «MYU» safida 100-o‘yinida gol urgan yettinchi futbolchi bo‘ldi. Oxirgi marta Markus Reshford 2019 yilning fevral oyida aynan «Lester»ga qarshi o‘yinda ushbu natijaga erishgandi.

1939 - «Brentford» barcha musobaqalarda to‘qqiz uchrashuvda birinchi marta "Chelsi" ustidan g‘alaba qozondi. Shu kunga qadar so‘nggi g‘alaba 1939 yilning fevral oyida qo‘lga kiritilgan edi.