Кеча Англия чемпионати 31-туридан ўрин олган бир қатор учрашувлар ўтказилди. Мазкур баҳслардан кейин қайд этилган бир қанча фактларни тақдим этамиз.

1 - Эшли Янг Англия чемпионатидаги 389-ўйинида илк бор ўз дарвозасини ишғол қилди. У шунингдек "Астон Вилла" сафида автогол қайд этган энг ёши катта футболчига айланди - 36 ёш, 267 кунлик.

3 - «Челси»нинг ўз майдонида Премьер-Лига дебютантига 3 ва ундан ортиқ гол ўтказиб юборган ўйинлар сони иккитага етди. «Брентфорд»га қарши баҳсдан олдин 2021 йилнинг апрель ойида "Вест Бромвич" жамоасига 2:5 ҳисобида имконият бой берилганди. Иккала мағлубият ҳам Томас Тухель бошқарувида қабул қилиб олинди.

3 - «Челси» ўз майдонида Премьер-Лига доирасидаги Лондон дербиларида 3 ва ундан кўпроқ гол ҳисобига иккинчи марта ютқазиб қўйди. Бундан аввал, «аристократлар» 1997 йилнинг апрель ойида «Арсенал»га 0:3 ҳисобида имкониятни бой бериб қўйишганди.

13 - Фақатгина Дэвид Бекхем (18) АПЛ ўйинларида жарима зарбасидан Уорд-Проуздан кўпроқ (13) гол уришга муваффақ бўлган. Уорднинг 9 голи уй учрашувларида киритилган.

100 - Фред «МЮ» сафида 100-ўйинида гол урган еттинчи футболчи бўлди. Охирги марта Маркус Рэшфорд 2019 йилнинг февраль ойида айнан «Лестер»га қарши ўйинда ушбу натижага эришганди.

1939 - «Брентфорд» барча мусобақаларда тўққиз учрашувда биринчи марта "Челси" устидан ғалаба қозонди. Шу кунга қадар сўнгги ғалаба 1939 йилнинг февраль ойида қўлга киритилган эди.