2024-yili Fransiyaning Parij shahri mezbonlik qiladigan XXXIII yozgi Olimpiya o‘yinlarining boks bo‘yicha musobaqalari uchun vazn toifalari aniqlandi.

Kuni kecha Xalqaro boks assosiasiyasi (IBA) ushbu xabarni keng ommaga e’lon qildi. Unga ko‘ra, erkaklar o‘rtasidagi bahslarda vazn toifalari soni bittaga kamaygan. Ayollar o‘rtasida esa aksincha, yana bitta vazn qo‘shilgan.

IBA ma’lumotiga ko‘ra, Parij-2024 yozgi Olimpiya o‘yinlarida bokschilar quyidagi vazn toifalarida medallar uchun kurash olib borishadi:

Erkaklar: -51 kg, -57 kg, -63,5 kg, -71 kg, -80 kg, -92 kg, +92 kg.

Ayollar: -50 kg, -54 kg, -57 kg, -60 kg, -66 kg, -75 kg.

Ma’lumot uchun: Tokio Olimpiadasida erkaklar 8 ta, ayollar esa 5 ta vazn toifasida medallar uchun bahs olib borishgandi. O‘zbekiston esa erkaklar o‘rtasidagi bahslarda to‘liq tarkibda qatnashgan bo‘lsa, yana uch nafar qizimiz ham Tokio-2020 olimpiadasi yo‘llanmasini qo‘lga kiritishgan edi.