«Bavariya» hujumchisi Robert Levandovski «Barselona»ga o‘tishga rozi bo‘ldi, deb xabar beradi Sport.es.
Manbaning xabariga ko‘ra, myunxenliklar klubi rahbariyati polshalik futbolchiga shartnomani atigi bir yilga uzaytirishni taklif qilgan, bu esa Levandovskiga yoqmagan. Shuning uchun u faoliyatini Ispaniyada davom ettirishga tayyorligini bildirgan.
33 yoshli futbolchining «Bavariya» bilan shartnomasi kelasi yozda yakuniga yetadi. Transfermarkt Polsha terma jamoasi futbolchisini 50 million yevroga baholamoqda.
Germaniya chempionatining joriy mavsumida Levandovski 28 ta o‘yinda maydonga tushib, 31 ta gol va 1 ta golli uzatmani amalga oshirgan.
