«Бавария» ҳужумчиси Роберт Левандовски «Барселона»га ўтишга рози бўлди, деб хабар беради Sport.es.
Манбанинг хабарига кўра, мюнхенликлар клуби раҳбарияти польшалик футболчига шартномани атиги бир йилга узайтиришни таклиф қилган, бу эса Левандовскига ёқмаган. Шунинг учун у фаолиятини Испанияда давом эттиришга тайёрлигини билдирган.
33 ёшли футболчининг «Бавария» билан шартномаси келаси ёзда якунига етади. Трансфермаркт Польша терма жамоаси футболчисини 50 миллион еврога баҳоламоқда.
Германия чемпионатининг жорий мавсумида Левандовски 28 та ўйинда майдонга тушиб, 31 та гол ва 1 та голли узатмани амалга оширган.