Turinning «Yuventus» klubi bosh murabbiyi Massimiliano Allegri A seriyaning 31-turi doirasidagi «Inter»ga qarshi o‘yindan oldin o‘z fikrlarii bilan o‘rtoqlashdi.
«Inter» chempionlik favoriti bo‘lib turibdi. Shubhasiz, «Milan» ham, «Napoli» ham yaxshi harakat qilmoqda. O‘ylaymanki, bu uch jamoadan biri g‘alaba qozonadi.
Biz Chempionlar ligasi yo‘llanmasi uchun kurashayotganimizni bilamiz. Biz hali ko‘p ochko to‘plashimiz kerak.
Yaxshiyamki, jamoa bunday o‘yinga avtomatik tarzda moslashadi, men uni qo‘shimcha motivasiya qilishim va konsentrasiyani saqlab qolishni talab qilishim shart emas», - dedi Allegri.
«Yuventus» – «Inter» o‘yini bugun, 3 aprel kuni bo‘lib o‘tadi. Uchrashuv soat 21:45da boshlanishi rejalashtirilgan.
