Londonning «Arsenal» klubi Filippe Koutinyoni sotib olish uchun zarur bo‘lgan mablag‘ni berishga tayyor.

29 yoshli hujumkor yarim himoyachi ayni damda «Barselona»dan ijara asosida «Aston Villa»da o‘ynamoqda.

Ingliz klubi braziliyalik futbolchini 40 million yevro evaziga sotib olish imkoniyatiga ega, ammo «Nyukasl» ham xuddi shunday summani to‘lashga tayyor.

Todo Fichajesning so‘zlariga ko‘ra, «Arsenal» ham kerakli tovon pulini to‘lashga qodir, buni yaqin oylarda amalga oshirishi mumkin.

Filippe Koutinyo «Aston Villa» safida APLning 11 o‘yinida 4 ta gol va 3 ta golli uzatmani amalga oshirgan.