Rimning «Roma» klubi bosh murabbiyi Joze Mourinyoning fikricha, o‘z faoliyati haqida munosib maqtovlar eshitmayapti.
«Roma» A Seriya doirasida safarda «Sampdoriya»ni minimal hisobda mag‘lub etdi.
«Agar bu yerda boshqa murabbiy bo‘lganida edi, odamlar bizning golimiz haqida fantastik deb gapirishardi, lekin men haqimda bu gaplar aytilmaydi!» - dedi portugaliyalik mutaxassis.
«Rimdagi madaniyat shuki, agar derbida g‘alaba qozonsangiz, jannatda yashaysiz, yutqazsangiz, bu butunlay falokat. Lekin biz to‘g‘ri munosabatni saqlab, bugungi o‘yinda g‘alaba qozona oldik. Biz vaziyatni nazorat qildik va ikkinchi golni urib, o‘yinni muddatidan oldin yakunlashimiz mumkin edi» - dedi Mourinyo o‘yindan keyingi intervyusida.
