Adriyen Rabyo hakamning qaroriga rozi emas, biroq «Yuventus»ning (0:1) «Inter» jamoasiga qarshi ko‘rsatgan o‘yinidan mamnun.
«O‘z o‘yinim va jamoamning o‘yinidan mamnunman. Biz yaxshi o‘ynadik, afsuski, gol ura olmadik. Xuddi Chempionlar ligasidagi kabi ("Vilyarreal"ga qarshi 1/8 finalda) biz raqibdan yaxshiroq o‘ynadik, ammo yutqazdik.
Bugun biz darvoza ustunini nishonga oldik, bundan tashqari, penalti tepishimiz kerak edi. Bugun hakam uchrashuv natijasiga ta’sir ko‘rsatdi. O‘ylashimcha, Zakariyaga nisbatan jarima maydonchasi ichida qo‘pollik sodir bo‘ldi. Bu bellushuv taqdirini hal qilgan asosiy epizod edi», - dedi fransiyalik yarim himoyachi DAZN nashriga bergan intervyusida.
