Адриен Рабьо ҳакамнинг қарорига рози эмас, бироқ «Ювентус»нинг (0:1) «Интер» жамоасига қарши кўрсатган ўйинидан мамнун.

«Ўз ўйиним ва жамоамнинг ўйинидан мамнунман. Биз яхши ўйнадик, афсуски, гол ура олмадик. Худди Чемпионлар лигасидаги каби ("Вильярреал"га қарши 1/8 финалда) биз рақибдан яхшироқ ўйнадик, аммо ютқаздик.

Бугун биз дарвоза устунини нишонга олдик, бундан ташқари, пенальти тепишимиз керак эди. Бугун ҳакам учрашув натижасига таъсир кўрсатди. Ўйлашимча, Закарияга нисбатан жарима майдончаси ичида қўполлик содир бўлди. Бу беллушув тақдирини ҳал қилган асосий эпизод эди», - деди франциялик ярим ҳимоячи DAZN нашрига берган интервьюсида.