«PSJ» hujumchisi Kilian Mbappe keyingi mavsumda ham klubda qolishi mumkinligini tan oldi.
Taxminlarga ko‘ra, fransuz yulduzi «Real» bilan shartnoma imzolamoqchi, ammo futbolchining o‘zi buni rad etdi.
Eslatib o‘tamiz, Mbappening "PSJ" bilan shartnomasi shu yilning yozida yakuniga yetadi.
«Kelajak borasida hali yakuniy qarorga kelganim yo‘q. Parijda qolamanmi? Ha bo‘lishi mumkin. Turli omillar hamda jihatlar ko‘p va men xato qilishni xohlamayman. Agar men hamma narsani hal qilsam, buni e’lon qilgan bo‘lardim, ammo eng yaxshi qarorni qabul qilish uchun tanlov qilishga shoshilmayapman», - dedi Mbappe Amazon bilan suhbatda.
