«PSJ» bosh murabbiyi Maurisio Pochettino parijliklar jamoasining «Loryan» ustidan qozongan yirik g‘alabasidan so‘ng jurnalistlar bilan o‘z qikrlari bilan o‘rtoqlashdi.
Pochettino jamoaning o‘yinidan juda mamnun ekanligini, bu o‘yin xuddi shu ruhda davom etishi kerakligini aytdi. Argentinalik mutaxassisning qayd etishicha, qachonki hujumchilar gol urishsa, bu har doim jamoa uchun foydalidir. Maurisio barcha futbolchilar o‘zlarini ajoyib professional sifatida ko‘rsatishganini qo‘shimcha qildi.
Eslatib o‘tamiz, parijliklar kecha «Loryan»ni 5:1 hisobida mag‘lub etishgan edi. Pochettino jamoasi Liga—1da ishonchli peshqadamlik qilmoqda.
