«Bavariya» bosh murabbiyi Yulian Nagelsmann Serj Gnabrining «Real»ga o‘tishi mumkinligi haqida gapirdi. Mutaxassis qanot hujumchisini jamoada olib qolmoqchi ekanligini takidladi.
«Men uning kelajagiga optimistik qarayman. Myunxenda unga kerak bo‘lgan hamma narsa bor. Uni shaxs va futbolchi sifatida qadrlaydigan murabbiy, ajoyib jamoa va u bilan ajoyib munosabatda bo‘lgan jamoadoshlari.
Menimcha, u bu yerda o‘zini juda yaxshi his qilmoqda. Yakunda uning transferi masalasi klublar tomonidan muhokama qilinadi, ammo umid qilamanki, biz Gnabrini saqlab qolish yo‘lini topamiz. U g‘ayrioddiy futbolchi, ajoyib o‘yinlar o‘tkazadi va shunday qilishda davom etadi», - deydi Nagelsmann.
Serj Gnabrining «Bavariya» bilan shartnomasi 2023 yilning yoziga qadar amal qiladi.