«Бавария» бош мураббийи Юлиан Нагелсманн Серж Гнабрининг «Реал»га ўтиши мумкинлиги ҳақида гапирди. Мутахассис қанот ҳужумчисини жамоада олиб қолмоқчи эканлигини такидлади.

«Мен унинг келажагига оптимистик қарайман. Мюнхенда унга керак бўлган ҳамма нарса бор. Уни шахс ва футболчи сифатида қадрлайдиган мураббий, ажойиб жамоа ва у билан ажойиб муносабатда бўлган жамоадошлари.

Менимча, у бу ерда ўзини жуда яхши ҳис қилмоқда. Якунда унинг трансфери масаласи клублар томонидан муҳокама қилинади, аммо умид қиламанки, биз Гнабрини сақлаб қолиш йўлини топамиз. У ғайриоддий футболчи, ажойиб ўйинлар ўтказади ва шундай қилишда давом этади», - дейди Нагелсманн.

Серж Гнабрининг «Бавария» билан шартномаси 2023 йилнинг ёзига қадар амал қилади.