«Barselona» «Vulverxempton» futbolchisi Ruben Neveshga qiziqish bildirmoqda. Portugaliyaliklar «ko‘k-anorranglilar»ning yarim himoya chizig‘idagi muammolarni hal qilishda yordam berishi mumkin.

Manbaning ta’kidlashicha, futbolchi Chempionlar ligasida muntazam o‘ynashni xohlaydi. Biroq kataloniyaliklardan tashqari bir qator Premyer-liga klublari futbolchiga da’vogarlik qilmoqda.

Neveshning «Vulverxempton» bilan amaldagi shartnomasi 2024 yilda yakuniga yetadi. 25 yoshli portugaliyalikning transfer narxi 40 million yevroga baholanmoqda.

Futbolchi joriy mavsumda APLda 28 ta o‘yinda maydonga tushib, 4 ta gol va 2 ta golli uzatmaga mualliflik qilgan.