«PSJ» bosh murabbiyi Maurisio Pochettino jurnalistlar bilan suhbatda rahbariyat bilan hali Parij jamoasidagi kelajagi haqida gaplashmaganini tan oldi.

Pochettinoning aytishicha, u hali Parij klubi rahbariyati bilan «PSJ»dagi kelajagi haqida gaplashmagan. Maurisioning ta’kidlashicha, uning shartnomasi yana bir yilga amal qiladi, biroq parijliklar jamoasida ishlashni davom ettirish bo‘yicha qaror joriy mavsum yakunlanganidan keyin qabul qilinadi.

Eslatib o‘tamiz, parijliklar Chempionlar ligasining 1/8 finalidan «Real»dan mag‘lubiyatga uchrab, musobaqani tark etgandi, ammo Pochettino shogirdlari Liga—1da ishonchli tarzda peshqadamlik qilmoqda.