«ПСЖ» бош мураббийи Маурисио Почеттино журналистлар билан суҳбатда раҳбарият билан ҳали Париж жамоасидаги келажаги ҳақида гаплашмаганини тан олди.
Почеттинонинг айтишича, у ҳали Париж клуби раҳбарияти билан «ПСЖ»даги келажаги ҳақида гаплашмаган. Маурисионинг таъкидлашича, унинг шартномаси яна бир йилга амал қилади, бироқ парижликлар жамоасида ишлашни давом эттириш бўйича қарор жорий мавсум якунланганидан кейин қабул қилинади.
Эслатиб ўтамиз, парижликлар Чемпионлар лигасининг 1/8 финалидан «Реал»дан мағлубиятга учраб, мусобақани тарк этганди, аммо Почеттино шогирдлари Лига—1да ишончли тарзда пешқадамлик қилмоқда.
