«Everton» bosh murabbiyi Frenk Lempard o‘zi boshqaruvidagi klub Chempionshipga tushib ketish xavfi bor yoki yo‘qligini aytdi.
«Urilgan gollar - iqtidor va mashg‘ulot bazasidagi ish. Maydonda harakat har doim ham takrorlanavermaydi, lekin uni davom ettirish kerak. Har bir futbolchi va jamoa shunday daqiqalarni boshidan kechiradi. Bugun yaxshi vaziyatlar yaratdik, bu ikki-uchta gol urish uchun yetarli. Oldinda yana 10 ta o‘yin bor.
10 ta o‘yin juda ko‘p. Nasib qilsa va biz «Vest Xem» va «Nyukasl» bilan ko‘rsatgan o‘yinimizni ko‘rsatishda davom etsak, hammasi joyida bo‘lishiga ishonaman. Agar hozir nima bo‘lishini aytsangiz, kelajakda bu hech narsani anglatmaydi. Biz faqat o‘zimizga e’tibor qaratishimiz kerak.
«Everton» juda katta tarixga va muxlislar bazasiga ega klub hisoblanadi. Ayni paytda biz ushbu noxush daqiqadan o‘tish uchun harakat qilyapmiz. Men va futbolchilar hamma narsani beramiz», - deya Lempardning so‘zlarini keltiradi ESPN.
