«Эвертон» бош мураббийи Френк Лэмпард ўзи бошқарувидаги клуб Чемпионшипга тушиб кетиш хавфи бор ёки йўқлигини айтди.

«Урилган голлар - иқтидор ва машғулот базасидаги иш. Майдонда ҳаракат ҳар доим ҳам такрорланавермайди, лекин уни давом эттириш керак. Ҳар бир футболчи ва жамоа шундай дақиқаларни бошидан кечиради. Бугун яхши вазиятлар яратдик, бу икки-учта гол уриш учун етарли. Олдинда яна 10 та ўйин бор.

10 та ўйин жуда кўп. Насиб қилса ва биз «Вест Хэм» ва «Ньюкасл» билан кўрсатган ўйинимизни кўрсатишда давом этсак, ҳаммаси жойида бўлишига ишонаман. Агар ҳозир нима бўлишини айтсангиз, келажакда бу ҳеч нарсани англатмайди. Биз фақат ўзимизга эътибор қаратишимиз керак.

«Эвертон» жуда катта тарихга ва мухлислар базасига эга клуб ҳисобланади. Айни пайтда биз ушбу нохуш дақиқадан ўтиш учун ҳаракат қиляпмиз. Мен ва футболчилар ҳамма нарсани берамиз», - дея Лэмпарднинг сўзларини келтиради ESPN.