Ispaniyaning «Valensiya» klubi rahbariyati yozda «Lokomotiv» va Rossiya terma jamoasi yarim himoyachisi Dmitriy Barinovni o‘z safiga qo‘shib olishga harakat qilishi mumkin.
«Chempionat» nashri xabariga ko‘ra, «ko‘rshapalaklar» 25 yoshli rossiyalik futbolchiga qishki transfer oynasida qiziqish bildirishgan, biroq o‘shanda futbolchi va uning agenti bilan kelisha olmagandi. Endi «Valensiya» rahbarlari yozda Barinovni qo‘lga kiritishga harakat qilmoqchi.
Eslatib o‘tamiz, Ispaniya chempionatida hozirda yana bir rossiyalik futbolchi - Denis Cherishev to‘p surmoqda.
Joriy mavsumda Dmitriy Barinov Rossiya chempionatida 18 ta uchrashuv o‘tkazib, ikkita golli uzatmani amalga oshirgan.
