Испаниянинг «Валенсия» клуби раҳбарияти ёзда «Локомотив» ва Россия терма жамоаси ярим ҳимоячиси Дмитрий Бариновни ўз сафига қўшиб олишга ҳаракат қилиши мумкин.
«Чемпионат» нашри хабарига кўра, «кўршапалаклар» 25 ёшли россиялик футболчига қишки трансфер ойнасида қизиқиш билдиришган, бироқ ўшанда футболчи ва унинг агенти билан келиша олмаганди. Энди «Валенсия» раҳбарлари ёзда Бариновни қўлга киритишга ҳаракат қилмоқчи.
Эслатиб ўтамиз, Испания чемпионатида ҳозирда яна бир россиялик футболчи - Денис Черишев тўп сурмоқда.
Жорий мавсумда Дмитрий Баринов Россия чемпионатида 18 та учрашув ўтказиб, иккита голли узатмани амалга оширган.
