«Yuventus» yarim himoyachisi Manuel Lokatelli oyog‘idan olgan jarohati sabab 3 haftaga safdan chiqqani haqida bosh murabbiy Massimiliano Allegri aytib o‘tdi.
«Manuel o‘ng oyog‘idagi jarohati tufayli o‘yinni erta tark etdi. Bir qarashda, bu unchalik jiddiy ko‘rinmaydi. Ehtimol, shunchaki pay cho‘zilgan bo‘lishi ham mumkin. Ammo, Lokatelli 20 kun maydonga tusha olmaydi», - dedi Allegri.
«Men o‘tkir og‘riqlarni his qilmayapman. Yaqin kelajakda vaziyatni baholash uchun bir nechta testlarni o‘taman», — deydi futbolchining o‘zi.
Lokatelli A seriyaning so‘nggi turi doirasidagi «Inter»ga qarshi o‘yinda Lautaro Martines bilan to‘qnashuvda jarohat oldi.
