«Ювентус» ярим ҳимоячиси Мануэль Локателли оёғидан олган жароҳати сабаб 3 ҳафтага сафдан чиққани ҳақида бош мураббий Массимилиано Аллегри айтиб ўтди.
«Мануэль ўнг оёғидаги жароҳати туфайли ўйинни эрта тарк этди. Бир қарашда, бу унчалик жиддий кўринмайди. Эҳтимол, шунчаки пай чўзилган бўлиши ҳам мумкин. Аммо, Локателли 20 кун майдонга туша олмайди», - деди Аллегри.
«Мен ўткир оғриқларни ҳис қилмаяпман. Яқин келажакда вазиятни баҳолаш учун бир нечта тестларни ўтаман», — дейди футболчининг ўзи.
Локателли А сериянинг сўнгги тури доирасидаги «Интер»га қарши ўйинда Лаутаро Мартинес билан тўқнашувда жароҳат олди.
