Belarus chempionatining har bir turida "Halol o‘yin" sovrini o‘z egasiga topshirib boriladi. "Energetik-BGU" klubi hujumchisi Bobur Abduxoliqov 1-tur yakunlari bo‘yicha ushbu sovrin sohibiga aylandi.

G‘olib nomini aniqlash maqsadida muxlislar o‘rtasida so‘rovnoma o‘tkazildi. Hamyurtimiz ushbu so‘rovnomada Ivan Baxar va Vladislav Malkevichni ortda qoldirdi. Boburga sovg‘a topshirildi.

Abduxoliqov 1-turda "Vitebsk" klubiga qarshi o‘yinda 2ta gol muallifiga aylandi. Bundan tashqari, raqib futbolchilari unga nisbatan ishlatilgan qo‘polliklarni ortiqcha hissiyotsiz va g‘azabsiz qarshi oldi.

O‘zbekistonlik futbolchi sovrinni qabul qilib olgach, kichik intervyu berdi.

– "Fair Play" sovrinini qo‘lga kiritish, albatta, juda yoqimli. Menga ovoz berganlarning barchasiga minnatdorchilik bildiraman. O‘zbekistonlik ko‘plab muxlislar meni qo‘llab-quvvatlashganini ko‘rdim. Barchaga salom yo‘llayman. Bundan keyiy ham yaxshi, samarali va halol o‘yinim orqali muxlislarni xursand qilishga harakat qilaman.

Jahonda "Fair Play" sovrinini qo‘lga kiritgan yorqin namoyondalar? Birdaniga yodimga kelmadi. Ammo halol va mas’uliyatlik o‘yin — har qanday sport turining muhim bo‘lagi hisoblanadi.

– «Energetik»ning o‘yini haqida. Jamoa har ikki o‘yinda 3:1 hisobida g‘alaba qozondi. Siz esa gollar urib, assistentlik qildingiz. Jamoa nimaning evaziga yaxshi natijalar qayd etmoqda?
– Jamoamizda yaxshi va yosh yigitlar yig‘ilgan. Har bir bahsda g‘alaba uchun o‘ynashga harakat qilyapmiz. Xatolarimiz bor, ammo biz o‘yindan o‘yinga ularni bartaraf etishga harakat qilyapmiz.

Mening shaxsiy maqsadim? Har bir o‘yinda gol urish va golli uzatmalar berish. Har safar imkon qadar ko‘proq va ko‘proq.