Dortmundning «Borussiya» klubi sobiq bosh murabbiyi Peter Shtyoger Avstriya terma jamoasini boshqarishi mumkin.

Franko Foda 2022 yilgi Jahon chempionatiga chiqa olmagani uchun Avstriya terma jamoasi bosh murabbiyiligini tark etdi. Shtyoger bu lavozimni egallashga tayyor ekanligini ochiq aytdi: «Agar men Avstriya terma jamoasiga kerak bo‘lsam, bu ish menga qiziq ekanini aniq aytdim», - dedi 55 yoshli mutaxassis Sky nashriga bergan intervyusida.

Shtyogerning avvalgi ish joyi vengriyalik «Ferensvarosh» klubi bo‘lib, avstriyalik mutaxassis 2021 yilning dekabr oyida jamoani tark etgan. Bungacha u Venaning «Avstriya», Dortmundning «Borussiya», «Kyoln» va Avstriyaning bir qator jamoalarini boshqargan.