«Kristal Pelas» hujumchisi Jordan Ayyu APL doirasida «Arsenal» ustidan qozonilgan g‘alaba (3:0) haqida o‘z fikrlarini bildirdi.

“Men yigitlarga aytdim: «Arsenal»ni hech qachon 3:0 hisobida mag‘lub etmaganman. Bu ajoyib. Bu mavsum juda yaxshi o‘tdi. Bu bizga yoqdi va umid qilamizki, keyingi yil ham rivojlanamiz”, - dedi ushbu uchrashuvda gol muallifiga aylangan hujumchi.

U jamoada ishtiyoq borligini ta’kidladi.

«Futbolchi sifatida biz har doim yaxshi narsa qilishni xohlaymiz. Bizni ijobiy voqealar kutmoqda, masalan, Angliya kubogi yarim finali. Hamma ishtirok etishni xohlaydi va biz klubga o‘z maqsadlariga erishish uchun qo‘limizdan kelganicha yordam beramiz», - dedi Ayyu.