«Кристал Пэлас» ҳужумчиси Жордан Айю АПЛ доирасида «Арсенал» устидан қозонилган ғалаба (3:0) ҳақида ўз фикрларини билдирди.

“Мен йигитларга айтдим: «Арсенал»ни ҳеч қачон 3:0 ҳисобида мағлуб этмаганман. Бу ажойиб. Бу мавсум жуда яхши ўтди. Бу бизга ёқди ва умид қиламизки, кейинги йил ҳам ривожланамиз”, - деди ушбу учрашувда гол муаллифига айланган ҳужумчи.

У жамоада иштиёқ борлигини таъкидлади.

«Футболчи сифатида биз ҳар доим яхши нарса қилишни хоҳлаймиз. Бизни ижобий воқеалар кутмоқда, масалан, Англия кубоги ярим финали. Ҳамма иштирок этишни хоҳлайди ва биз клубга ўз мақсадларига эришиш учун қўлимиздан келганича ёрдам берамиз», - деди Айю.