Italiyaning “Milan” klubi “Lill” himoyachisi Sven Botman bilan shartnoma imzolashga yaqin turibdi. Kelishuv hali tuzilmagan, biroq tomonlar uni imzolashga yaqin turibdi. Bu haqda jurnalist Fabrisio Romano xabar berdi.
Manbaga ko‘ra, niderlandiyalik futbolchi Italiya klubi tomonidan qo‘yilgan shartlarni qabul qilgan va keyingi transfer oynasida jamoaga o‘tishi borasida qaror qabul qilgan.
Oldinroq Italiya klubi 22 yoshli himoyachini qishki transfer oynasida o‘z safiga qo‘shib olishga uringani, ammo “Lill” bunga rozi bo‘lmagani haqida xabar berilgandi. "Milan" yozda Botmanni qo‘lga kiritish uchun fransuz klubiga 40 million yevro to‘lashi kutilmoqda.
