Италиянинг “Милан” клуби “Лилль” ҳимоячиси Свен Ботман билан шартнома имзолашга яқин турибди. Келишув ҳали тузилмаган, бироқ томонлар уни имзолашга яқин турибди. Бу ҳақда журналист Фабрицио Романо хабар берди.
Манбага кўра, нидерландиялик футболчи Италия клуби томонидан қўйилган шартларни қабул қилган ва кейинги трансфер ойнасида жамоага ўтиши борасида қарор қабул қилган.
Олдинроқ Италия клуби 22 ёшли ҳимоячини қишки трансфер ойнасида ўз сафига қўшиб олишга урингани, аммо “Лилль” бунга рози бўлмагани ҳақида хабар берилганди. "Милан" ёзда Ботманни қўлга киритиш учун француз клубига 40 миллион евро тўлаши кутилмоқда.
