«Inter» yarim himoyachisi Ivan Perishich klub bilan shartnomasini uzaytirishga yaqin turibdi. Bu haqda Calciomercato nashri xabar tarqatmoqda.

Manbaning xabariga ko‘ra, "Inter" rahbariyatining futbolchini vakillari bilan uchrashuvi oy oxiriga rejalashtirilgan. «Inter» Perishichga yiliga 4 million yevrolik ikki yillik shartnoma taklif qilishi mumkin. Kelishuv har ikki tomonni ham qoniqarli ekani aytilmoqda.

Perishich 2015 yildan beri «Inter»da o‘ynab kelmoqda. Bu vaqt ichida 33 yoshli xorvatiyalik futbolchi 244 ta o‘yin o‘tkazib, 50 ta gol kiritdi.

Joriy mavsumda futbolchi barcha turnirlarda 39 ta o‘yin o‘tkazib, 5 ta gol urdi va 4 ta golli uzatmani amalga oshirdi.