«Интер» ярим ҳимоячиси Иван Перишич клуб билан шартномасини узайтиришга яқин турибди. Бу ҳақда Calciomercato нашри хабар тарқатмоқда.

Манбанинг хабарига кўра, "Интер" раҳбариятининг футболчини вакиллари билан учрашуви ой охирига режалаштирилган. «Интер» Перишичга йилига 4 миллион евролик икки йиллик шартнома таклиф қилиши мумкин. Келишув ҳар икки томонни ҳам қониқарли экани айтилмоқда.

Перишич 2015 йилдан бери «Интер»да ўйнаб келмоқда. Бу вақт ичида 33 ёшли хорватиялик футболчи 244 та ўйин ўтказиб, 50 та гол киритди.

Жорий мавсумда футболчи барча турнирларда 39 та ўйин ўтказиб, 5 та гол урди ва 4 та голли узатмани амалга оширди.