«Manchester Yunayted» yarim himoyachisi Pol Pogba «Yuventus»dan takif kutib, «PSJ» bilan muzokaralarni keyinga qoldirdi, deb xabar beradi Tuttosport.
Pogba «Yuventus»ga qaytishni istardi, ammo «keksa sinyora» hali rasmiy taklif bilan chiqqani yo‘q. Xabarlarga ko‘ra, «byankonerilar» iyun oyida Paulo Dibala bilan xayrlashadi va shundan keyingina Pogba bo‘yicha taklifni ko‘rib chiqadi.
«Yuventus» bosh murabbiyi Massimiliano Allegri o‘zining sobiq shogirdi bilan qayta ishlashdan xursand bo‘lardi, ammo klub uning yoshi va jarohatlarga moyilligini ko‘rib chiqmoqda. Pogbaning maosh talabi ham «Yuve»ning talablariga to‘g‘ri kelmaydi.
