«Bavariya» bosh murabbiyi Yulian Nagelsmann o‘z jamoasida ko‘rishni hohlaydigan ikki futbolchi kim ekanligini aytdi.

«Mbappe - u har qanday jamoa uchun foydali bo‘lishi aniq. Men ham Frenki de Yongni juda kuchli futbolchi deb hisoblayman. Biroq, ikkala futbolchi ham klubimizning moliyaviy imkoniyatlaridan tashqarida», - deya Nagelsmannning so‘zlarini keltiradi Goal.

2021/22 yilgi mavsumda Mbappe «PSJ» safida 38 o‘yinda 28 gol urdi va 20 golga assistentlik qildi. Transfermarkt portali hujumchini 160 million yevroga baholamoqda.

De Yong joriy mavsumda «Barselona» safida 37 ta o‘yinda 4 ta gol va 4 ta golli uzatmaga mualliflik qilgan. Transfermarkt portali yarim himoyachini 70 million yevroga baholamoqda.