«Бавария» бош мураббийи Юлиан Нагелсманн ўз жамоасида кўришни ҳоҳлайдиган икки футболчи ким эканлигини айтди.

«Мбаппе - у ҳар қандай жамоа учун фойдали бўлиши аниқ. Мен ҳам Френки де Йонгни жуда кучли футболчи деб ҳисоблайман. Бироқ, иккала футболчи ҳам клубимизнинг молиявий имкониятларидан ташқарида», - дея Нагелсманннинг сўзларини келтиради Goal.

2021/22 йилги мавсумда Мбаппе «ПСЖ» сафида 38 ўйинда 28 гол урди ва 20 голга ассистентлик қилди. Трансфермаркт портали ҳужумчини 160 миллион еврога баҳоламоқда.

Де Йонг жорий мавсумда «Барселона» сафида 37 та ўйинда 4 та гол ва 4 та голли узатмага муаллифлик қилган. Трансфермаркт портали ярим ҳимоячини 70 миллион еврога баҳоламоқда.