Tuttosport nashri xabariga ko‘ra, Milanning «Inter» klubi yozda «Yuventus» hujumchisi Paulo Dibalani qo‘lga kiritishi mumkin.
Manbaga ko‘ra, «neradzurrilar» bosh direktori Beppe Marotta jamoada Dibalani va yana bir argentinalik hujumchi Lautaro Martinesni birlashtirmoqchi.
Qayd etilishicha, Marotta doimiy ravishda Dibalaning agenti bilan muloqot qilib turibdi.
«Inter» Dibalani qo‘lga kiritishga qurbi yetsa ham, Martines bilan xayrlashmaydi. Oldinroq Paulo Milan klubida 8 million yevro maosh va yana ikki millionni bonus olishi mumkinligi xabar qilingandi.
