«Xetafe» vingeri Matias Oliveyra faoliyatini «Napoli»da davom ettiradi. Bu haqda jurnalist Nikolo Skira xabar bermoqda.

Tomonlar transfer shartlarini kelishib oldilar. «Xetafe» o‘z futbolchisini sotishdan 11 million yevro ishlab oladi. Ispaniyaliklar yana 2 millionni turli bonuslar ko‘rinishida olishlari mumkin bo‘ladi.

Shuningdek, Oliveyra «Napoli» bilan 2027 yilgacha mo‘ljallangan shartnoma imzolashi ma’lum. Mattiasning maoshi mavsumiga 1,4 million yevroni tashkil qiladi.

Joriy mavsumda Matias Oliveyra «Xetafe» safida 25 ta o‘yin o‘tkazdi (1 gol + 2 golli uzatma).