«Хетафе» вингери Матиас Оливейра фаолиятини «Наполи»да давом эттиради. Бу ҳақда журналист Николо Скира хабар бермоқда.

Томонлар трансфер шартларини келишиб олдилар. «Хетафе» ўз футболчисини сотишдан 11 миллион евро ишлаб олади. Испанияликлар яна 2 миллионни турли бонуслар кўринишида олишлари мумкин бўлади.

Шунингдек, Оливейра «Наполи» билан 2027 йилгача мўлжалланган шартнома имзолаши маълум. Маттиаснинг маоши мавсумига 1,4 миллион еврони ташкил қилади.

Жорий мавсумда Матиас Оливейра «Хетафе» сафида 25 та ўйин ўтказди (1 гол + 2 голли узатма).