«Vilyarreal» yarim himoyachisi Jovanni Lo Chelso «Bavariya»ga qarshi Chempionlar ligasi 1/4 final dastlabki o‘yinida g‘alaba qozonganidan so‘ng (1:0) o‘z fikrlari bilan o‘rtoqlashdi. U ushbu uchrashuvning eng yaxshi futbolchisi sifatida tan olindi.
«Bavariya» favorit edi, shuning uchun birinchi navbatda jamoadoshlarimga ular qilgan katta yordamlari uchun rahmat aytmoqchiman. Dunyoning eng yaxshi jamoalaridan biriga qarshi ham ajoyib o‘yin ko‘rsatdik va ochig‘i, hisob kattaroq bo‘lishi kerak edi.
Xayolimga kelgan birinchi so‘z - g‘urur. Agar gol o‘tkazib yuborsak, «Bavariya»ni to‘xtatib bo‘lmasligini bilardik. Lekin biz ko‘plab vaziyatlar yaratdik va haqiqatda yirik hisobda g‘alaba qozonishimiz mumkin edi. Bizda bitta maqsad bor edi. O‘yin oldidan biz dunyoga «Vilyarreal»ning yaxshi imidjini ko‘rsatishimiz kerak edi va biz buni uddaladik, ishonchim komil», - deya Lo Chelsoning so‘zlarini keltiradi UYEFA rasmiy sayti.
Eslatib o‘tamiz, javob o‘yini 12 aprel kuni Myunxendagi «Alyans Arena»da bo‘lib o‘tadi.
