«Вильярреал» ярим ҳимоячиси Жованни Ло Чельсо «Бавария»га қарши Чемпионлар лигаси 1/4 финал дастлабки ўйинида ғалаба қозонганидан сўнг (1:0) ўз фикрлари билан ўртоқлашди. У ушбу учрашувнинг энг яхши футболчиси сифатида тан олинди.

«Бавария» фаворит эди, шунинг учун биринчи навбатда жамоадошларимга улар қилган катта ёрдамлари учун раҳмат айтмоқчиман. Дунёнинг энг яхши жамоаларидан бирига қарши ҳам ажойиб ўйин кўрсатдик ва очиғи, ҳисоб каттароқ бўлиши керак эди.

Хаёлимга келган биринчи сўз - ғурур. Агар гол ўтказиб юборсак, «Бавария»ни тўхтатиб бўлмаслигини билардик. Лекин биз кўплаб вазиятлар яратдик ва ҳақиқатда йирик ҳисобда ғалаба қозонишимиз мумкин эди. Бизда битта мақсад бор эди. Ўйин олдидан биз дунёга «Вильярреал»нинг яхши имиджини кўрсатишимиз керак эди ва биз буни уддаладик, ишончим комил», - дея Ло Чельсонинг сўзларини келтиради УЕФА расмий сайти.

Эслатиб ўтамиз, жавоб ўйини 12 апрель куни Мюнхендаги «Альянс Арена»да бўлиб ўтади.