GOAL nashri xabariga ko‘ra, «Liverpul» «Torino»ning markaziy himoyachisi Gleyson Bremerni qo‘lga kiritmoqchi. 

Oldinroq braziliyalik futbolchiga asosiy davogar «Inter» ekanligi haqida ma’lumotlar paydo bo‘lgandi.

Bremer «Torino»ga 2018 yilda «Atletiko Mineyro»dan kelib qo‘shilgan va shu vaqtdan buyon klub safida 100 dan ortiq o‘yinda maydonga tushgan. Futbolchi 25 million yevroga baholanmoqda va «Torino» futbolchini qo‘yib yuborishga tayyor.

Shuningdek, «Inter» ehtimoliy transfer bo‘yicha muzokaralar olib borganligi va braziliyalik futbolchini qo‘lga kiritish uchun kuchli favorit ekanligi, «Yuventus» esa voqealar rivojini diqqat bilan kuzatib borayotgani xabar qilingandi.